Ötən il 107 işçi ilə əmək müqavilələrinə qanunvericiliyin tələbləri pozulmaqla xitam verildiyi müəyyən olunub. Dövlət Əmək Müfəttişliyi Xidmətindən verilən məlumata görə, görülən tədbirlər nəticəsində həmin işçilərin əvvəlki iş yerlərinə bərpası təmin edilib. Keçən il gecikdirilən sosial xarakterli 471,6 min manat məbləğində ödənişlərin də işçilərə ödənilməsi təmin edilib.