Ümumdünya Səhiyyə Təşkilatının Baş direktoru Tedros Adhanom Qebreyesus XIII Qlobal Bakı Forumunda ölkələri gələcək pandemiyalara hazırlıq və qlobal əməkdaşlığın gücləndirilməsinə çağırıb.ÜST rəhbəri bildirib ki, 2025-ci ildə hərbi xərclər 2,7 trilyon dollara çatıb və bu məbləğ 2030-cu ilə qədər aclığın aradan qaldırılması üçün lazım olan vəsaitdən 30 dəfə çoxdur. Qebreyesus vurğulayıb ki, COVID-19 pandemiyası milyonlarla insanın həyatına son qoyub və qlobal iqtisadiyyata böyük ziyan vurub. Onun sözlərinə görə, viruslar sərhəd tanımır və səhiyyə təhlükəsizliyi qlobal əməkdaşlıq tələb edir.