Şəmkirdə Qazax–Tovuz iqtisadi rayonu üzrə aqrar sahənin inkişafına həsr olunan regional müşavirə keçirilib. Tədbirdə çıxış edən Prezidentin köməkçisi Natiq Əmirov bildirib ki, 2026–2030-cu illəri əhatə edən yeni Dövlət Proqramı məhsuldarlığın artırılması, emal və ixrac imkanlarının genişləndirilməsi, balıqçılıq və akvakulturanın inkişafı, eləcə də ərzaq təhlükəsizliyinin gücləndirilməsinə xidmət edir.Kənd təsərrüfatı nazirinin müavini İlhamə Qədimova qeyd edib ki, Dövlət Proqramı 86 tədbiri əhatə edir. Prioritetlər sırasında intensiv bağçılığın, müasir suvarma sistemlərinin, aqroparkların və heyvandarlığın inkişafı yer alır.