Məşğulluq imkanlarının artırılması, qeyri-rəsmi məşğulluğun leqallaşdırılması istiqamətində görülən kompleks tədbirlər 2023-cü ildə də əmək müqavilələrinin sayında artıma imkan verib. Əmək və Əhalinin Sosial Müdafiəsi Nazirliyindən verilən məlumata görə, ötən il ölkəmizdə əmək müqavilələrinin sayı 3,6 faiz artaraq 1 milyon 809 minə çatıb. Ümumilikdə 2018-2023-cü illər ərzində əmək müqavilələrinin sayında 38 faiz, əməkhaqqı fondunda 2,7 dəfə artım baş verib.