Qarabağ və Şərqi Zəngəzur iqtisadi rayonlarında “yaşıl enerji”nin inkişafı və ekoloji mühitin keyfiyyətinin artırılması istiqamətində aparılan işlər Ağdamda müzakirə edilib. Ekoloji məsələlər üzrə işçi qrupunun iclasında Ağdam şəhərində tətbiq olunan “yaşıl” texnologiyalar barədə də danışılıb. Ağdamda gedən bərpa-quruculuq proseslərində məhz Ağdamın ağ daşı, yerli xammal, tikinti materialı kimi istifadə olunur. Prezidentinin xüsusi nümayəndəsi Emin Hüseynov jurnalistlərə açıqlamasında deyib ki, azad olunan ərazilərdəki söküntü materialları təkrar emal olunur.