Bu gün - 1 İyun Uşaqların Beynəlxalq Müdafiəsi Günüdür. 1950-ci ildən etibarən qeyd olunan bu əlamətdar gün uşaqların hüquqlarının qorunmasına və onların sağlam, xoşbəxt gələcəyinə həsr olunub. Azərbaycan da BMT-nin Uşaq Hüquqları Konvensiyasına qoşularaq uşaqların müdafiəsini daim diqqət mərkəzində saxlayır. Ölkəmizdə uşaqların təhsili, sağlamlığı və hərtərəfli inkişafı üçün geniş imkanlar yaradılıb. Heydər Əliyev Fondu və Birinci vitse-prezident Mehriban Əliyeva tərəfindən xüsusi qayğıya ehtiyacı olan uşaqlara daim dəstək göstərilir. Prezident İlham Əliyev və Birinci vitse-prezident Mehriban Əliyeva sosial şəbəkə hesablarında uşaqları bayram münasibətilə təbrik edib. Onlara sağlam, xoşbəxt və parlaq gələcək arzulayıblar.