Ağdam rayonunun Quzanlı qəsəbəsində “Dövlət-din münasibətlərində hüquqi və institusional mexanizmlər” mövzusunda regional konfrans keçirilir.Konfransda mövcud qanunvericiliyin təkmilləşdirilməsi, hüquqi və institusional mexanizmlərin gücləndirilməsi, eləcə də maarifləndirmə işlərinin genişləndirilməsi məsələləri diqqət mərkəzindədir.Dini Qurumlarla İş üzrə Dövlət Komitəsinin sədri Ramin Məmmədov çıxışında deyib ki, dini sahədə yaranan boşluqlar bəzən dini dəyərləri təhrif edərək radikal ideologiyaların yayılmasına çalışan qüvvələr üçün münbit zəmin yarada bilər. Onun sözlərinə görə, dini radikalizm bütün dinlərin təməlində dayanan sülh, mərhəmət, qarşılıqlı hörmət və humanizm prinsiplərinə zidd yanaşmaların nəticəsidir.