ABŞ və İran arasında planlaşdırılan texniki danışıqların vaxtı hələ müəyyənləşməyib. ABŞ vitse-prezidenti Cey Di Vensin sözçüsünün bildirdiyinə görə, təşkilati məsələlər yekunlaşmadığından Vaşinqton nümayəndə heyəti hazır vəziyyətdə gözləyir və bu səbəbdən Vensin İsveçrəyə səfəri təxirə salınıb.Məlumata əsasən, İran İsrailin Livana mümkün yeni hücumunu ABŞ ilə əldə olunan anlaşmanın pozulması kimi qiymətləndirəcəyini Vaşinqtona çatdırıb. ABŞ Prezidenti Donald Tramp isə gözlənilən anlaşma memorandumunu İranın “qeyd-şərtsiz kapitulyasiyası” kimi dəyərləndirib. Sənəd ABŞ-da həm demokratlar, həm də bəzi respublikaçılar tərəfindən tənqid edilir.İran Ali Milli Təhlükəsizlik Şurasının məlumatına görə, memorandum əsasında Hörmüz boğazından keçən kommersiya gəmiləri 60 gün müddətində rüsumdan azad olunacaq.