Xankəndidə Azərbaycan Ordusu gənclərinin forumu keçirilib. Döyüş və ictimai-siyasi hazırlıqda əldə etdikləri uğurlara, hərbi hissələrin qarşısında qoyulmuş vəzifələrin həyata keçirilməsində fərqləndiklərinə və “2 Fevral – Gəncləri Günü” münasibətilə ordu gənclərindən bir qrupuna Fəxri Fərman və qiymətli hədiyyələr təqdim olunub. Forum iştirakçıları Xankəndi şəhərinin mərkəzi meydanında olub, Xocalı və Əsgəran qalasını ziyarət ediblər.