Dövlət İmtahan Mərkəzindən bildirilib ki, I, II, III və IV ixtisas qrupları üzrə imtahanın ikinci mərhələsinin birinci cəhdində iştirak etmək istəyən abituriyentlər aprelin 16-dan 29-dək DİM-in internet səhifəsində ixtisas qrupunu seçərək qeydiyyatdan keçə bilərlər. Qeyd edək ki, bu il tədris dili, riyaziyyat və xarici dil fənləri üzrə buraxılış imtahanı vermiş, lakin 18 fevral – 5 mart tarixlərində aparılan ərizə qəbulunda iştirak etməyən cari ilin məzunlarına da qeydiyyat imkanı yaradılıb.Müsabiqədə iştirak ödənişlidir.