“Vətən müharibəsi başa çatdıqdan sonra Azərbaycanın azad edilmiş ərazilərində 300-dən çox insan ermənilər tərəfindən basdırılmış minaların qurbanı olub”. Bunu ölkəmizdə akkreditə olunmuş diplomatik korpusun nümayəndələri və hərbi attaşelər üçün təşkil olunan brifinqdə Müdafiə Nazirliyinin mətbuat katibi Anar Eyvazov deyib. O, antiterror tədbirlərindən sonra işğaldan azad edilmiş ərazilərdə yerləşən mülki obyektlərdə çoxlu sayda silah və hərbi sursatın aşkarlandığını da vurğulayıb.