AQTA və Baş Prokurorluq Kürdəmirdə toyda baş verən kütləvi zəhərlənmə hadisəsi ilə bağlı araşdırma aparır
Baş Prokurorluq məlumat verir ki, Kürdəmir rayonunda “Günəş” şadlıq sarayında keçirilən toy mərasimində iştirak edən 92 nəfər qida zəhərlənməsi şübhəsi ilə xəstəxanaya müraciət edib.Zəhərlənmənin səbəbini müəyyənləşdirmək üçün şadlıq sarayında hazırlanan qidalardan nümunələr götürülüb və ekspertizalar təyin edilib.Xəstəxanaya müraciət edən şəxslərə ilkin tibbi yardım göstərilib. Onlar ambulator nəzarətə götürülərək evə buraxılıblar.Hadisə ilə bağlı Azərbaycan Qida Təhlükəsizliyi Agentliyi də araşdırma aparır.
url:
http://kepezfm.az/xeberler/aqta-v%C9%99-ba%C5%9F-prokurorluq-k%C3%BCrd%C9%99mird%C9%99-toyda-ba%C5%9F-ver%C9%99n-k%C3%BCtl%C9%99vi-z%C9%99h%C9%99rl%C9%99nm%C9%99-hadis%C9%99si-il%C9%99-ba%C4%9Fl%C4%B1
