Hazırda 1300-ü “Qırmızı Körpü” gömrük postunda olmaqla, Azərbaycanın gömrük postlarında 1840 yük maşını gözləmədədir. Azərbaycan Yerüstü Nəqliyyat Agentliyindən bildirilib ki, ən çox nəqliyyat vasitəsi “Qırmızı Körpü”də müşahidə edilir. Gürcüstan-Azərbaycan sərhəddə sıxlığın yaranmasına səbəb isə Rusiya ilə Gürcüstan arasındakı “Yuxarı Lars” gömrük-keçid məntəqəsində hava şəraiti ilə əlaqədar iritonnajlı nəqliyyat vasitələrinin hərəkətinin məhdudlaşdırılmasıdır.