Danimarkanın paytaxtı Kopenhagendə Ümumdünya Səhiyyə Təşkilatının Avropa Regional Komitəsinin 75-ci sessiyası keçirilir. Azərbaycanı tədbirdə səhiyyə naziri Teymur Musayevin rəhbərlik etdiyi nümayəndə heyəti təmsil edir. Sessiyada çıxış edən nazir qeyd edib ki, ölkəmiz ÜST-nin səhiyyə sistemlərinin transformasiyası təşəbbüslərini dəstəkləyir və süni intellektin məsuliyyətli istifadəsini vacib sayır. Teymur Musayev 2025–2028-ci illər üçün ÜST-nin Avropa üzrə Regional Komitəsinin Daimi Komitəsinə üzv seçilib. Bu, Azərbaycanın beynəlxalq səhiyyə siyasətində rolunun güclənməsinə imkan yaradacaq.