Berlində Azərbaycanla Ermənistan arasında sülh sazişi layihəsini müzakirə etmək üçün iki ölkənin xarici işlər nazirləri Ceyhun Bayramov və Ararat Mirzoyan arasında ikitərəfli görüş keçirilib. Bu barədə Xarici İşlər Nazirliyindən bildirilib. Ceyhun Bayramov və Ararat Mirzoyanın görüşü Almaniya xarici işlər naziri Annalena Berbokun iştirakı ilə üçtərəfli formatda davam edib. Azərbaycan xarici işlər nazirinin Annalena Berbokla iki tərəfli görüşündə isə mövcud əməkdaşlıq gündəliyi, Azərbaycan və Ermənistan arasında normallaşma və sülh prosesinin hazırki vəziyyəti və perspektivləri müzakirə olunub. Ceyhun Bayramov ölkəmizin normallaşma və sülh gündəliyinin irəlilədilməsində qərarlı olduğu bildirilib. Buna baxmayaraq, 5 aya yaxın sürən sabitliyin Ermənistan tərəfindən pozulmasının sülh prosesinə zərbə vurmaq məqsədi daşıdığını diqqətə çatdırıb.