Azərbaycanın sərbəst güləş üzrə U-17 millisi növbəti təlim-məşq toplanışına start verib. Xaçmaz Olimpiya İdman Kompleksində başlayan hazırlıq prosesi martın 9-dək davam edəcək. Həm fiziki, həm də taktiki-texniki çalışmaların yer alacağı toplanışda 28 güləşçi iştirak edir. Təlim-məşq toplanışı 12-14 martda Türkiyədə keçiriləcək Zəfər Kubokuna və 10-16 iyunda Finlandiyada təşkil ediləcək Avropa çempionatına hazırlıq xarakteri daşıyır.