Azərbaycanlı qrossmeyster Aydın Süleymanlı şahmat üzrə dünya çempionu Maqnus Karlsen üzərində qələbə qazanıb. Honkonqda keçirilən rapid və blits üzrə komandalararası dünya çempionatında Aydın Süleymanlının təmsil olunduğu "Odlar Yurdu" komandası turnirin favoritlərindən sayılan, Maqnus Karlsen, Fabiano Karuana və digər tanınmış qrossmeysterlərin yer aldığı "WR Chess"ə qalib gəlib. Heyəti əsasən gənc şahmatçılardan formalaşan "Odlar Yurdu" 15 xalla 8-ci pillədə qərarlaşıb.