Azərbaycan hesab edir ki, qısamüddətli perspektivdə ənənəvi enerji mənbələri olmadan inkişafın davamlılığını təmin etmək mümkün deyil.BMT yanında Azərbaycanın daimi nümayəndəsinin müavini Elvin Əşrəfzadə bəyanatında deyib ki, enerji təhlükəsizliyi, əlçatanlığı və davamlılığı birlikdə təmin edilməlidir.O, COP29-dan sonra da Azərbaycanın iqlim fəaliyyətini davam etdirdiyini, COP31 çərçivəsində Türkiyə və Avstraliya ilə əməkdaşlığı dəstəklədiyini vurğulayıb. Əşrəfzadə Azərbaycanın yaşıl enerji sahəsində imkanlarının genişləndiyini və Avropa bazarlarını bərpa olunan elektrik enerjisi ilə təmin etmək potensialının artdığını diqqətə çatdırıb.