“Environmental Protection First” Koalisiyası Ermənistanda keçiriləcək COP17 və “Liderlər təbiət naminə” Sammitinin iştirakçılarına müraciət ünvanlayıb. Koalisiya Ermənistanın dağ-mədən sənayesinin biomüxtəlifliyə, ətraf mühitə və Azərbaycana axan transsərhəd çaylara mənfi təsirləri ilə bağlı narahatlığını ifadə edib. Müraciətdə beynəlxalq ekspertlərin iştirakı ilə birgə monitorinqlərin aparılması, məlumatların açıqlanması və şəffaf nəzarət mexanizmlərinin yaradılması çağırışı yer alıb. Ermənistanın Konvensiyaya qoşulmamasının Kür-Araz hövzəsi və Xəzər dənizinin biomüxtəlifliyi üçün risklər yaratdığını vurğulanıb.Koalisiya həmçinin Vaşinqton Zirvəsindən sonra Azərbaycan və Ermənistan arasında formalaşan sülh gündəliyini alqışlayaraq, ekoloji əməkdaşlığın və ekoloji ədalətin Cənubi Qafqazda sülhün möhkəmlənməsinə töhfə verə biləcəyini bildirib.
