Sosial şəbəkələrdə Azərbaycanda hakimiyyətin zorla ələ keçirilməsinə və dini nifrətin təşviqinə yönələn materialların yayılması ilə bağlı Türkiyə vətəndaşı, “Şanlıurfa Olay” qəzetinin köşə yazarı Celal Çiftçiyə cinayət işi başlanıb və barəsində beynəlxalq axtarış elan edilib. Bu barədə Baş Prokurorluq məlumat yayıb. Araşdırmalar zamanı köşə yazarının dini radikalizm məzmunlu, o cümlədən süni intellekt vasitəsilə hazırlanmış materialları təkrar yaydığı müəyyən edilib.Hazırda istintaq tədbirləri davam etdirilir. Baş Prokurorluq vətəndaşları dini nifrət və düşmənçiliyi təşviq edən materialları yaymamağa və sosial şəbəkələrdən məsuliyyətlə istifadə etməyə çağırıb.