Baş prokuror Kamran Əliyevin rəhbərlik etdiyi nümayəndə heyəti Çin Xalq Respublikasına işgüzar səfər edib. Şanxay şəhərində Çin Xalq Respublikasının Ali Xalq Prokurorluğunun Baş prokuroru Yinq Yonq ilə ikitərəfli görüşdə ölkələr arasında strateji tərəfdaşlıq əlaqələrinin inkişaf etdiyi vurğulanıb, hüquqi əməkdaşlığın genişləndirilməsi məsələləri müzakirə olunub.Tərəflər cinayətkarlığa qarşı mübarizə, qarşılıqlı təcrübə mübadiləsi və prokurorluq əməkdaşlarının təhsili sahəsində əməkdaşlığın gücləndirilməsi barədə razılığa gəliblər. Səfər çərçivəsində digər görüşlərin də keçirilməsi planlaşdırılır.