Bakıda Qara Dəniz Ticarət və İnkişaf Bankının Rəhbərlər Şurasının 28-ci illik toplantısı çərçivəsində Bankın 2025-ci il üzrə fəaliyyəti qiymətləndirilib, maliyyə hesabatları təsdiqlənib və 2026-cı ilin büdcəsi müzakirə olunub. Maliyyə naziri Sahil Babayev regional əməkdaşlığın, iqtisadiyyatın şaxələndirilməsi və Azərbaycanın beynəlxalq nəqliyyat-logistika qovşağı kimi rolunun gücləndirilməsinin önəmini vurğulayıb. QDTİB-nin prezidenti Serhat Köksal isə Azərbaycanın müasir infrastruktura malik dinamik iqtisadiyyata çevrildiyini bildirərək, Bankın ölkədə yeni inkişaf layihələrini dəstəkləməyə hazır olduğunu deyib.Növbəti - 29-cu illik toplantıya isə 2027-ci ildə Bolqarıstan sədrlik edəcək.