Bu gün Azərbaycan 8 ölkəyə qaz nəql edir ki, onlardan altısı Avropa ölkəsidir. Ötən il Avropada istifadəyə verilən interkonnektor layihələrinin təməlində, ilk növbədə, Cənub Qaz Dəhlizi layihəsi dayanır. Bu fikri Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasındakı çıxışında deyib. Növbəti ilin birinci rübündə “Azəri-Çıraq-Günəşli” yataqlarının dərinsulu hissəsində təbii qaz hasilatının başlanacağını söyləyən ölkə rəhbəri ilkin mərhələdə hasilatın təqribən yarım milyard kubmetr olacağına diqqət çəkib. Bu rəqəmin 3-4 dəfə artacağını bildirib.