Bu gün Qaradağlı faciəsindən 32 il ötür. Xocavəndin Qaradağlı kəndi 1992-ci il fevralın 17-də işğal edilərək yandırılıb. Erməni işğalçıları dinc əhaliyə qarşı soyqırımı həyata keçirib. 118 nəfər əsir götürülüb, 33 nəfər güllələnib. Ümumilikdə əsir və girov götürülənlərdən 68 nəfəri öldürülüb, 50 nəfəri böyük çətinliklərlə azad edilib. Əsir götürülənlərdən 10-u qadın, 2-si məktəbli olub. Azad olunanlardan 18 nəfəri aldıqları sağalmaz yaralardan sonralar vəfat edib. Kənd 19-20 sentyabr 2023-cü il tarixində Qarabağda həyata keçirilən lokal antiterror tədbirlərindən sonra Azərbaycanın nəzarətinə keçib.