COP29-a ev sahibliyi etmək və bu işə töhfə vermək istəyimiz yaşıl gündəliyimizi nümayiş etdirir. Prezident İlham Əliyev Bakıda Cənub Qaz Dəhlizi Məşvərət Şurası çərçivəsində nazirlərin 10-cu iclası və Yaşıl Enerji Məşvərət Şurası çərçivəsində nazirlərin 2-ci iclasındakı çıxışında ölkəmizin bu il Konfransa ev sahibliyi etməsinin önəmindən söz açıb. “COP29-a ev sahibliyi etmək istəyimiz iradəmizi göstərir. Bizə buna görə hücum olunmamalıdır, əksinə təqdir edilməliyik. COP29-un Azərbaycanda təşkil edilməsi barədə yekdil qərar beynəlxalq birliyin ölkəmizə hörmətinin əlamətidir”, - deyə dövlət başçısı qeyd edib.