Prezident İlham Əliyev Düşənbədə Tacikistan Prezidenti Emoməli Rəhmon ilə təkbətək görüşüb. Görüşdə iki ölkə arasında münasibətlərin inkişafı, qarşılıqlı səfərlərin əməkdaşlığın genişlənməsinə verdiyi töhfə vurğulanıb. MDB Dövlət Başçıları Şurasının Düşənbədə keçirilən iclasının aktual məsələlərin müzakirəsinə yaxşı imkan yaratdığı qeyd edilib. Tərəflər əlaqələrin uğurla davam etdiyini qeyd edərək əməkdaşlığın gələcək perspektivləri barədə fikir mübadiləsi aparıblar.