Dövlət İmtahan Mərkəzi aprelin 5-də keçirilən buraxılış imtahanında riyaziyyat fənni üzrə mübahisəli suala aydınlıq gətirib.Qurum bildirib ki, trapesiya mövzusuna aid tapşırıq şagirdlərin bucaqların bərabərliyi və üçbucaqların oxşarlığı üzrə biliklərini yoxlamağa yönəlib.Verilən ədədlər konkret üçbucağın mövcudluğunu yox, nisbətlərin qurulmasını qiymətləndirmək məqsədi daşıyır və bu səbəbdən üçbucaq bərabərsizliyi həlledici rol oynamır. DİM əlavə edib ki, açıq tipli suallar xüsusi meyarlarla yoxlanılır və düzgün ara mərhələlər də qiymətləndirmədə nəzərə alınır.