Dövlət İmtahan Mərkəzi ali məktəblərə qəbul imtahanının II mərhələsinin II cəhdinə qeydiyyatın davam etdiyini açıqlayıb.Ümumilikdə 27 min 707 abituriyent qeydiyyatdan keçib.Qeydiyyat prosesi iyunun 8-dək davam edəcək. Abituriyentlər şəxsi kabinetləri vasitəsilə yenidən imtahan vermək istədikləri ixtisas qrupunu seçərək qeydiyyatdan keçə bilirlər.İmtahanda yalnız qeydiyyatdan keçən şəxslər iştirak edə biləcəklər.II və III qruplar üzrə imtahan iyulun 5-də, I və IV qruplar üzrə isə iyulun 12-də keçiriləcək. III qrup üçün əlavə coğrafiya imtahanı da həmin gün – iyulun 12-də baş tutacaq.