DYP sürücülərə payız-qış mövsümü ilə bağlı xəbərdarlıq edərək avtomobillərini payız-qış mövsümünə hazırlamağa çağırıb.İdarə qarlı, buzlu və sürüşkən yollarda təhlükəsiz hərəkət üçün nəqliyyat vasitələrinin mövsümə uyğun təchiz edilməsinin vacibliyini vurğulayıb.Sürücülər ilk növbədə avtomobillərinin şinlərinin vəziyyətini yoxlamalıdırlar. Həmçinin şüşəsilən və şüşəyuyan sistemlərin, xarici işıq cihazlarının sazlığı yoxlanılmalı, soyuducu və şüşəyuyan sistemlər donmayan mayelərlə təmin edilməlidir. DYP sürücülərə avtomobillərində zəncir və dartı kəndiri saxlamağı, salonun isitmə sistemini, xüsusilə filtrləri vaxtında yoxlatdırmağı tövsiyə edib.