Təhsil naziri Emin Əmrullayev "Dayanıqlı inkişaf: ailə, qadın və uşaq siyasəti" mövzusunda Bakıda keçirilən konfransda bildirib ki, cəmiyyətimizdə yalnız imtahan nəticələri deyil, eyni zamanda, uşaqların tərbiyəsi, onların psixoloji-emosional inkişaf məsələləri də müzakirə olunmalıdır. “Əsas məsələ ailənin öz övladına ötürdüyü dəyərlərdir. Valideynlərin öz məsuliyyətini dərk etməsi, məktəblə, müəllimlə birgə işləyərək, gənc nəslin inkişafına töhfə verməsi çox əhəmiyyətlidir-, nazir deyib. Emin Əmrullayev qadınların təhsilinin də gələcək nəsillərin inkişafında mühüm əhəmiyyət daşıdığını vurğulayıb.