Füzuli şəhərində genişmiqyaslı bərpa və tikinti işləri davam edir. Prezidentin xüsusi nümayəndəsi Emin Hüseynov bildirib ki, yaxın vaxtlarda Qarabağ Dirçəliş Fondu tərəfindən Füzuli Mərkəzi Parkının tikintisinə start veriləcək. Hazırda şəhərdə Mərkəzi Xəstəxana və Peşə Təhsil Kompleksi inşa olunur. Hüseynovun sözlərinə görə, Füzulidə ikinci və üçüncü yaşayış komplekslərinin tikintisinə bu ilin sonu və gələn ilin əvvəlində başlanacaq. O qeyd edib ki, görülən işlər “Böyük Qayıdış” proqramının hədəflərinə tam uyğun şəkildə həyata keçirilir.