Fövqəladə Hallar Nazirliyi Gəncədə yerləşən ticarət mərkəzində yanğın-taktiki təlim keçirib.“Ticarət müəssisələrində baş verən yanğın hadisələrinin söndürülməsi” mövzusunda təşkil olunan təlimin məqsədi yanğından mühafizə bölmələrinin qarşılıqlı fəaliyyətini təkmilləşdirmək, şəxsi heyətin peşəkar hazırlığını artırmaq və obyekt əməkdaşlarını yanğın zamanı düzgün davranış qaydaları barədə maarifləndirmək olub.Təlim zamanı hadisə yerinə operativ çatan yanğınsöndürənlər şərti yanğının kəşfiyyatını aparıb və söndürülməsi əməliyyatını icra ediblər.Təlimə 40 nəfərlik şəxsi heyət və 4 xüsusi texnika cəlb olunub. Təlimin yekununda nəticələr müzakirə edilib və müvafiq tapşırıqlar verilib.