FHN qızdırıcı cihazlardan istifadə ilə bağlı əhaliyə müraciət edib.Havaların soyuması ilə elektrik və qazla işləyən qızdırıcılardan istifadənin artması yanğın və partlayış riskini də artırır.Nazirlik bildirir ki, qeyri-standart və kustar üsulla hazırlanmış qızdırıcılardan istifadə, elektrik şəbəkəsinin həddindən artıq yüklənməsi, qaz və elektrik təsərrüfatındakı nasazlıqlar, eləcə də ehtiyatsızlıq təhlükəli nəticələrə səbəb ola bilər.Bəzi vətəndaşlar, fiziki və hüquqi şəxslər tərəfindən təhlükəsizlik qaydalarına laqeyd yanaşma, o cümlədən yol verilən səhlənkarlıqlar sonda acı nəticələrə gətirib çıxarır, insan itkisi, eləcə də əmlaka və infrastruktura vurulan ziyanla nəticələnir.