Xızı rayonunun Sitalçay kəndində baş verən daşqınla əlaqədar xilasetmə işləri davam edi.Bu barədə Fövqəladə Hallar Nazirliyi Mülki Müdafiə Qoşunlarının polkovniki Cəfər Həsənov məlumat verib.Hazırda əraziyə iki böyük və bir kiçik texnika, həmçinin 15 nəfərlik şəxsi heyət cəlb edilib. Görülən tədbirlər nəticəsində 6 evdən, o cümlədən 5 uşaq və 5 yaşlı olmaqla ümumilikdə 13 nəfər təhlükəsiz əraziyə təxliyə edilib.Həmçinin Bakının Nizami, Sabunçu, Xəzər, Binəqədi, Suraxanı və Səbail rayonlarında, Sumqayıt şəhəri, Abşeron, Hacıqabul, Xızı, Şabran və Xaçmaz rayonları ərazisində 17-si azyaşlı olmaqla 166 vətəndaş təhlükəsiz əraziyə təxliyə olunub.