Gəncədə Zazalı Dəmir Yolu stansiyasında qanunsuz olaraq odlu silah əldə edib saxlamaqda şübhəli bilinən şəhər sakini Sahib Həsənov saxlanılıb. Üzərindən “Kalaşnikov” markalı avtomat, patron darağı və 10 ədəd kalibirli patron aşkar edilərək götürülüb. Dəllər-Şəmkir dəmir yolu yaxınlığından isə 2 ədəd əl qumbarası, partladıcı, 2 ədəd tüstü qumbarası, 4 ədəd avtomat darağı, 47 ədəd müxtəlif silahlara məxsus patron tapılıb. Daha bir Gəncə sakini özünəməxsus, müvafiq sənədləri olmayan ov tüfəngini könüllü təhvil verib. Bundan başqa Ağstafada Əlixan Hüseynov üzərində 470 qram qurudulmuş marixuana ilə saxlanılıb. Kürdəmirin Sor-Sor kənd sakini Elzamin İsmayılovdan da çəkisi 400 qrama yaxın olan marixuana götürülüb.