Azərbaycan Dövlət Aqrar Universitetində, Gəncə Dövlət Universitetində və Azərbaycan Texnologiya Universitetində 8 Noyabr – Zəfər Gününə həsr olunmuş tədbirlər təşkil edilib.Tədbirlərdə şəhid ailələrinin üzvləri, müharibə iştirakçıları, rəsmi şəxslər, universitetlərin professor-müəllim heyəti və tələbələr iştirak ediblər.Çıxışlarda 44 günlük Vətən müharibəsində qazanılan tarixi Qələbənin əhəmiyyətindən, xalqımızın birliyindən və şəhidlərin qəhrəmanlığından bəhs olunub. Zəfərin gənc nəslin vətənpərvərlik ruhunda tərbiyəsindəki roluna diqqət çəkilib.Tədbirlər tələbələrin hazırladığı konsert proqramları ilə davam edib.