Gəncə Dövlət Universiteti və Azərbaycan Texnologiya Universitetinə 25 ədəd velosiped hədiyyə edilib. Velosipedlər tələbə-gənclərin istifadəsi üçün qoruyucu kasket və su qabları ilə təmin olunub. Layihə Gənclər və İdman Nazirliyi ilə Azərbaycan Velosiped Federasiyasının birgə təşəbbüsü çərçivəsində həyata keçirilib və məqsəd gənclər arasında sağlam həyat tərzinin, ekoloji nəqliyyatın və velosiped mədəniyyətinin təşviqidir.