Gəncədə gənclər Xocalı soyqırımının 32-ci ildönümü münasibətilə "Qisası Alınan Xocalı" adlı tədbirdə bir araya gəlib. Çıxışlarda insanlıq əleyhinə törədilən hadisənin dəhşətlərindən söz açılıb. Vətən Müharibəsi və ötən il reallaşan antiterror tədbirləri nəticəsində bütün şəhidlər kimi Xocalı qurbanlarının da qisasının alındığı vurğulanıb. Azad edilmiş bütün ərazilərdə yenidənqurma işlərinin aparıldığına diqqət çəkilib.