Gəncədə 5 böyük stasionar xəstəxana və 26 tibb müəssisəsi fəaliyyət göstərir. İlin əvvəlindən indiyə kimi 1 milyondan artıq şəxsə ambulator, 50 minə yaxın sakinə isə stasionar qaydada xidmət göstərilib. Gəncə şəhər Birləşmiş Xəstəxanasının hesabat tədbirində diqqətə çatdırılıb ki, şəhərin səhiyyə ocaqları müasir avadanlıqlarla təchiz edilib. Bu da sakinlərin özəl xəstəxanalara müraciətini azaldıb.