Gəncədə Zəfər Gününə həsr olunan Zəfər yürüşü baş tutub. Hərbi orkestrin müşayiəti ilə hərbi qulluqçular yürüş ediblər. “Tariximizin zəfər səlnaməsi” adlı dəyirmi masada isə Vətən müharibəsindəki zəfərin tarixi əhəmiyyətindən danışılıb. Qələbənin şərəfinə Gəncənin Heydər Əliyev Park-Xiyaban Kompleksinin ərazisinə ağaclar əkilib. Şəhərin Şəhidlər xiyabanında ölkəmizin ərazi bütövlüyünün bərpası, suverenliyinin təmin edilməsi uğrunda canlarından keçənlərin məzarları ziyarət edilib. Bu gün saat 18-də isə Heydər Əliyev adına meydanda - Şəhər İcra Hakimiyyətinin İnzibati binasının qarşısında konsert proqramı təşkil olunacaq. Konsertdən sonra möhtəşəm atəşfəşanlıq olacaq.