"Ermənistan öz gələcəyini regionumuzdan uzaqda yerləşən ölkələrin ambisiyaları üzərində deyil, öz milli maraqlarına əsasən planlaşdırmalıdır". Bu fikri Prezident İlham Əliyev İraq Prezidenti Əbdüllətif Camal Rəşid ilə mətbuata bəyanatında deyib. Ermənistanın dünyanın müxtəlif yerlərində olan diaspor təşkilatlarından Azərbaycana hər yerdə hücum etmək üçün istifadə etdiyini söyləyən dövlət başçısı bunun heç bir nəticə verməyəcəyini vurğulayıb. “Heç bir beynəlxalq təzyiq Azərbaycan xalqının və Azərbaycan hökumətinin iradəsinə təsir göstərə bilməz. Biz sağlam düşüncəyə və tarixi ədalətə əsaslanan sülhə hazırıq”, - deyə dövlətimizin başçısı vurğulayıb.