Prezident İlham Əliyev qeyri-neft-qaz məhsullarının ixracı və sahibkarlara kredit dəstəyi ilə bağlı yeni fərmanlar imzalayıb.Fərmana əsasən, qeyri-neft-qaz məhsullarının ixracı zamanı daşıma xərclərinin bir hissəsi dövlət büdcəsi hesabına qarşılanacaq. Naxçıvandan ölkənin digər ərazilərinə daşınan məhsullara da dəstək veriləcək.Digər fərmanla sahibkarlara verilən kreditlər üzrə təminat və faiz subsidiyası mexanizmləri “Azərbaycan Biznesinin İnkişafı Fondu”na həvalə olunub. Kredit faizlərinin 50 faizi dövlət tərəfindən subsidiyalaşdırılacaq.