Prezident İlham Əliyev 27 apreldə Qəbələdə keçirilən Azərbaycan - Çexiya biznes forumunda bildirib ki, Qarabağ və Şərqi Zəngəzurda genişmiqyaslı yenidənqurma işləri davam edir və bu istiqamətdə beynəlxalq maliyyə qurumları ilə fəal əməkdaşlıq aparılır.Dövlət başçısı vurğulayıb ki, ölkədə sabitlik və əlverişli investisiya mühiti xarici sərmayədarlar üçün geniş imkanlar yaradır.Onun sözlərinə görə, 2032-ci ilə qədər bərpaolunan enerji üzrə 8 qiqavat gücün əldə olunması planlaşdırılır, həmçinin Şərq-Qərb nəqliyyat dəhlizinə böyük investisiyalar yatırılır. Prezident onu da deyib ki, artıq doqquz ildir ki, valyutamız sabitdir və bu, hər hansı yerli və xarici potensial sərmayədar üçün mühüm göstəricidir.