İranın ali lideri Müctəba Xamenei ölkə nümayəndə heyətinin ABŞ ilə İslamabad şəhərində keçiriləcək danışıqlarda iştirakına razılıq verib.Məlumata görə, İran tərəfi bu qərarı gözləyirdi və icazə aprelin 20-si axşam saatlarında verilib. Danışıqların gecikməsində İslam İnqilabı Keşikçiləri Korpusunun təzyiqlərinin rol oynadığı bildirilir. İran tərəfi daha sərt mövqe tutaraq ABŞ-ın tətbiq etdiyi blokadanın aradan qaldırılmasını əsas şərt kimi irəli sürür. ABŞ vitse-prezidenti Cey Di Vens aprelin 21-də İslamabada yola düşəcək. ABŞ Prezidenti Donald Tramp isə bildirib ki, Vens və xüsusi nümayəndə Stiv Uitkoff artıq danışıqların yeni mərhələsinə hazırlıq üçün səfərə başlayıblar.