“ASAN Könüllüləri” Təşkilatının 2 saylı Gəncə regional “ASAN xidmət” mərkəzi üzrə nümayəndəliyinin təşəbbüsü ilə Kəpəz Müstəqil Teleradio Şirkətində infosesiya baş tutub.Könüllülər Kəpəz FM radio və Kəpəz TV-nin fəaliyyəti ilə yaxından tanış olublar. Onlara media qurumun iş prosesi əyani şəkildə təqdim edilib, studiya, redaksiya və texniki avadanlıqlar barədə ətraflı məlumat verilib. İnfosesiya çərçivəsində jurnalistika mövzusunda xüsusi təlim də keçirilib. Təlim zamanı media sahəsinin əsas prinsipləri, xəbər hazırlanması qaydaları, informasiya təhlükəsizliyi və media etikası məsələləri diqqətə çatdırılıb.Tədbirin əsas məqsədi könüllülərin media savadlılığını artırmaq, jurnalistikaya marağı gücləndirmək və onları yerli media mühiti ilə yaxından tanış etmək olub.