Avropa İttifaqı Hörmüz boğazı vasitəsilə sərbəst gəmiçiliyin bərpasına çalışır və bölgədəki gərginliyin qlobal iqtisadiyyata ciddi təsir göstərə biləcəyi ilə bağlı xəbərdarlıq edir.Bunu Aİ-nin xarici əlaqələr və təhlükəsizlik siyasəti üzrə ali nümayəndəsi Kaya Kallas bildirib.O qeyd edib ki, İran ətrafındakı münaqişə enerji daşıyıcılarının qiymətlərinin artmasına, inflyasiyaya və gübrə çatışmazlığı riskinə səbəb ola bilər.Bu vəziyyət dünyanın bir çox ölkəsində ərzaq təhlükəsizliyinə və aclıq təhlükəsinə təsir göstərə bilər.Aİ rəsmisi deyib ki, Çin İran üzərində təsir imkanlarına malikdir və Pekin bu imkanlardan gərginliyin azaldılması istiqamətində istifadə edə bilər.O, beynəlxalq dəniz yollarından təzyiq vasitəsi kimi istifadənin gələcəkdə digər strateji boğazlar üçün də təhlükəli presedent yarada biləcəyini vurğulayıb.