Azərbaycan təsviri sənətinin görkəmli nümayəndəsi, Xalq rəssamı, tanınmış xalçaşünas alim Lətif Kərimovun 120 illiyi qeyd olunacaq.Prezident İlham Əliyev bununla bağlı sərəncam imzalayıb. Sərəncama əsasən, yubiley 2026-cı ilin noyabr ayında keçiriləcək və geniş tədbirlər planı hazırlanacaq.Lətif Kərimov Azərbaycan xalça sənətinin inkişafında mühüm rol oynayıb. Onun yaratdığı eskizlər əsasında çoxsaylı süjetli və monumental xalçalar toxunub. Bu əsərlər milli xalçaçılıq sənətinin nadir nümunələri hesab olunur.