Mərkəzi Seçki Komissiyası İlham Heydər oğlu Əliyevin Prezidentliyə Yeni Azərbaycan Partiyası tərəfindən irəli sürülmüş namizədliyini qeydə alıb. Komissiyanın iclasında vurğulanıb ki, İlham Əliyevin namizədliyinin irəli sürülməsi MSK-nın 2023-cü il 19 dekabr tarixli iclasının protokolu ilə təsdiq edilib. Prezidentliyə namizədliyinin irəli sürülməsi təsdiqlənən şəxslərin sayı 16-ya çatıb. 2024-cü il fevralın 7-də keçiriləcək növbədənkənar Prezident seçkiləri ilə əlaqədar 6 milyon 524 min 203 seçki bülleteni çap ediləcək.