Azərbaycan Milli QHT Forumu məktəblərdə geyim qaydalarının siyasiləşdirilməsinə və dini qarşıdurma yaratmaq cəhdlərinə qarşı bəyanat yayıb. Forum xarici ölkələrin internet resurslarında Azərbaycanın dünyəvi dövlətçilik modelini hədəf alan informasiya hücumlarını pisləyib, cəmiyyəti təxribatlara uymamağa çağırıb. Bəyanatda qeyd olunub ki, məktəblərdə geyim qaydaları qanunvericiliyə uyğun, şəffaf və hamı üçün bərabər şəkildə tətbiq edilməlidir. Forum vurğulayıb ki, təhsil müəssisələri dini təbliğatın deyil, elmin, təhsilin və azad düşüncənin inkişaf etdiyi məkanlar olmalıdır.Təşkilat dünyəvilik, qanunun aliliyi və milli həmrəyliyin qorunmasının vacibliyini diqqətə çatdırıb.