“Hazırda Azərbaycan gəncləri üçün əsas çağırış ixtisas seçimini gələcəyin əmək bazarının tələblərinə uyğun aparmaqdır.” Bunu Əmək və Əhalinin Sosial Müdafiəsi naziri Anar Əliyev Bakıda keçirilən “PeşəFest-2025”də deyib. O əlavə edib ki, bunun üçün peşəyönümlü təhsil, praktik təlimlər və gənclərin texnoloji yeniliklərə açıq olması vacibdir. Nazir qeyd edib ki, işəgötürənlər həm texniki, həm də yumşaq bacarıqlara – ünsiyyət, komanda işi və məsuliyyətlilik kimi keyfiyyətlərə yüksək dəyər verirlər və 2027-ci ilə qədər işçi qüvvəsinin 44 faizinin əsas bacarıqlarında dəyişiklik baş verəcək.